Gari ya Halmashauri ya wilaya ya Mlimba yachomwa Moto Merela

Posted on: August 9th, 2021

Mwishoni mwa wiki hii (Ijumaa) Gari ya Halmashauri ya wilaya ya Mlimba, yenye namba za usajili DFP 9402, imechomwa moto katika eneo la Merela lililopo Halmashauri ya wilaya hiyo na wananchi wa maeneo hayo kwa madai kuwa wanajaribu kuwazuia wapimaji Ardhi wa eneo la mwekezaji wa shamba hilo ajulikanae kwa jina la Balali.

kwa mujibu wa wataalam waliokuwepo kwenye eneo hilo (jina kapuni) wanasema kuwa walivamiwa na wananchi wakiwa wanarudishia mipaka ya shamba namba 512 ambapo ombi hilo lilitolewa na mmiliki wa eneo hilo ambalo tayari wananchi walikwishalivamia miaka kadhaa iliyopita, ingawa wengine walikuwa wakikodishwa na serikali ya kijiji kwaajili ya kulitunza eneo hilo.

Aidha uharibifu mkubwa sana umefanywa kwa kuchomwa gari pamoja na pikipiki za viongozi wengine, Stonex base GNSS receiver.

Mkurugenzi Mtendaji wa Halmashauri ya wilaya ya Mlimba Mhandisi Stephano Kaliwa, amewasihi wananchi kuwa watulivu wakati taratibu za kisheria zinasubiriwa