Elimu Sekondari

DIVISHENI YA ELIMU YA SEKONDARI

Lengo

Kuratibu utekelezaji wa sera, mipango, sheria na mijadala na miongozo ya elimu ya sekondari.

Majukumu

Divisheni hii inatekeleza majukumu yafuatayo:-

• Kusimamia usimamizi wa tathmini endelevu na mitihani ya Taifa ya kidato cha pili, cha nne na cha sita;
• Kufanya ufuatiliaji na tathmini ya utekelezaji wa mipango na program za elimu ya sekondari;
• Kusimamia utoaji wa elimu ya watu wazima katika ngazi ya sekondari;
• Kutengeneza na kudumisha kanzidata ya elimu ya sekondari;
• Kuratibu elimu ya stadi za maisha katika shule za sekondari;
• Kuendesha tathmini ya mahitaji ya elimu ya mahitaji maalum, elimu ya watu wazima na elimu isiyo rasmi; na
• Kutoa ushauri kuhusu uanzishaji na uendelezaji wa vituo vya elimu ya wenye mahitaji maalum, elimu ya watu wazima na elimu isiyo rasmi.
• Divisheni inaongozwa na Mkuu wa Divisheni na ina sehemu nne kama ifuatavyo:-

1. Sehemu ya Taaluma;
2. Sehemu ya Takwimu na Vifaa;
3. Sehemu ya Elimu ya Mahitaji Maalum; na
4. Sehemu ya Elimu ya Watu Wazima na Elimu Isiyo Rasmi.

Sehemu ya Taaluma

Sehemu hii inatekeleza shughuli zifuatazo:-

• Kusimamia utekelezaji wa sera, mipango, mijadala na miongozo ya elimu ya sekondari kwenye shule za sekondari;
• Kusimamia ukuaji wa ufaulu wa shule za sekondari;
• Kuratibu na kusimamia utoaji wa tathmini endelevu na mitihani ya taifa ya kidato cha pili na cha nne;
• Kusimamia na kufanya tathmini ya utekelezaji wa mipango ya elimuya sekondari na kutathmini uimara na udhaifu wake; na
• Kuratibu na kusimamia michezo na burudani katika shule za sekondari.
• Seksheni hii inaongozwa na Afisa anaye husika.

Sehemu ya Takwimu na Vifaa 

Sehemu hii inatekeleza shughuli zifuatazo:-

• Kukusanya, kuchambua na kutafsiri takwimu za elimu ya sekondari;
• Kuratibu upatikanaji na usambazaji na utumiaji wa rasilimali za elimu katika shule za sekondari;
• Kuratibu takwimu za uandikishaji wa wanafunzi na vifaa shuleni;
• Kuandaa taarifa za utekelezaji kuhusumaendeleo ya elimu; na
• Kuamua mahitaji ya rasilimali kwa shule katika Halmashauri

Sehemu hii inaongozwa na Afisa anaye husika.

Sehemu ya Elimu ya Mahitaji Maalum

Sehemu hii inatekeleza shughuli zifuatazo:-

• Kuandaa na kusimamia mipango ya utekelezaji wa elimu ya mahitaji maalum kwa shule za sekondari;
• Kutambua watoto wenye mahitaji maalum na kuwagawa shuleni;
• Kukusanya taarifa za wanafunzi wenye mahitaji maalum na kutoa ushauri ipasavyo; na
• Kuratibu upatikanaji, usambazaji na utumiaji wa rasilimali za elimu ya mahitaji maalum.

Sehemu hii inaongozwa na Afisa anaye husika.

Sehemu ya Elimu ya Watu Wazima na Elimu Isiyo Rasmi

Sehemu hii inatekeleza shughuli zifuatazo:-

• Kuandaa na kusimamia mipango ya utekelezaji wa elimu ya watu wazima na elimu isiyo rasmi kwa elimu ya sekondari;
• Kuratibu elimu ya stadi za maisha;
• Kuendesha tathmini ya mahitaji ya elimu ya watu wazima na elimu isiyo rasmi;
• Kushauri kuhusu uanzishaji na uendelezaji wa vituo vya elimu ya watu wazima na elimu isiyo rasmi; na
• Kuratibu  upatikanaji, usambazaji na utumiaji wa rasiliamli za elimu ya watu wazima na elimu isiyo rasmi.

Sehemu hii inaongozwa na Afisa anaye husika.