Elimu Msingi

DIVISHENI YA ELIMU YA AWALI NA MSINGI

Lengo

Kupanga na kusimamia utekelezaji wa sera na mijadala inayo husu utoaji wa elimu ya awali, msingi, mahitaji maalum na elimu isiyo rasmi.

Majukumu

Divisheni hii inatekeleza majukumu yafuatayo:-

• Kupanga upatikanajai, usambazaji na utumiaji wa rasilimali katika shule za msingi,
• Kusimamia usimamizi wa tathmini endelevu na mitihani ya Taifa ya shule za msingi;
• Kusimamia utoaji wa elimu ya watu wazima na elimu isiyo rasmi katika ngazi za elimu ya awali na msingi;
• Kuratibu elimu ya stadi za maisha katika shule za msingi;
• Kuendesha tathmini ya mahitaji kwa elimu ya mahitaji maaulum, watu wazima na elimu isiyo rasmi;
• Kutoa ushauri kuhusu uanzishaji na uendelezaji wa vituo vya elimu ya mahitaji maalum, watu wazima na elimu isiyo rasmi;
• Kufuatilia utekelezaji wa mipango na program za elimu ya msingi; na
• Kuratibu na kusimamia shughuli za michezo na burudani katika shule za msingi.

Divisheni hii inaongozwa na Mkuu wa Divisheni na ina sehemu nne kama ifuatavyo:-

1. Sehemu ya taaluma
2. Sehemu ya takwimu na vifaa;
3. Sehemu ya elimu ya mahitaji maalum;
4. Sehemu ya elimu ya watu wazima na elimu isiyo rasmi.

Sehemu ya Taaaluma.

Sehemu hii inatakeleza shughuli zifuatazo:-

• Kuratibu utekelezaji wa sera, mipango, miongozo na mijadala ya elimu ya awali na msingi katika ngazi ya shule;
• Kuratibu na kusimamia usimamizi wa tathmini endelevu za shule na mitihani ya Taifa ya darasa la nne na la saba;
• Kusimamia na kutathmini utekelezaji wa mipango ya elimu ya awali na msingi;
• Kuandaa taarifa za utekelezaji wa mipango na program za maendeleo ya elimu; na
• Kuratibu utoaji wa elimu ya kujitegemea na usimamizi wa shughuli/miradi inayo zalisha mapato kwenye shule za msingi;

Sehemu hii inaongozwa na Afisa anaye husika.

Sehemu ya Takwimu na Vifaa

Sehemu hii inatekeleza shughuli zifuatazo:-

• Kukusanya, kuchambua na kutafsiri takwimu za elimu ya awali na msingi;
• Kuratibu upatikanaji, usambazaji na utumiaji wa rasilimali za kielimu katika shule za msingi;
• Kuratibu takwimu na vifaa vya uandikishwaji shuleni;
• Kuandaa taarifa za utekelezaji wa maendeleo ya elimu; na
• Kubainisha mahitaji ya rasilimali kwa shule zilizo ndanai ya Halmashauri;

Sehemu hii inaongozwa na Afisa anaye husika.

Sehemu ya Mahitaji Maalum

Sehemu hii inatekeleza shughuli zifuatazo:-

• Kuandaa na kusimamia utekelezaji wa mipango ya elimu ya mahitaji maalum kwa elimu ya msingi;
• Kutambua watoto wenye mahitaji maalum na kuwagawa shuleni;
• Kukusanya taarifa za wanafunzi wenye mahitaji maalum na kutoa ushauri ipasavyo;
• Kuratibu upatikanaji, usambazaji na utumiaji wa rasilimali za elimu ya mahitaji maalum.

Sehemu hii inaongozwa na Afisa anaye husika.

Sehemu ya Elimu ya Watu Wazima na Elimu Isiyo Rasmi

Sehemu hii inatekeleza shughuli zifuatazo:-

• Kuandaa na kusimamia utekelezaji wa mipango ya elimu ya watu wazima na elimu isiyo rasmi kwa shule z msingi;
• Kuratibu elimu ya stadi za maisha;
• Kuendesha tathmini ya mahitaji ya elimu ya watu wazima ena elimu isiyo rasmi;
• Kushauri kuhusu uanzishaji na uendelezaji wa vituo vya mafunzo ya elimu ya watu wazima na elimu isiyo rasmi; na
• Kuratibu upatikanaji, usambazaji na utumiaji wa rasilimali za elimu ya watu wazima na elimu isiyo rasmi.

Sehemu hii inaongozwa na Afisa anaye husika.