HATIMAE MH. LWENA AZIKWA HUKO NAMWAWALA.

Posted on: February 27th, 2018

Siku ya Tarehe 26/2/2018 ilikuwa ni siku ya huzuni sana kwa wakaazi wa kijiji cha Namwawala, Wafanyakazi wa 

Halmashauri ya wilaya ya kilombero, wananchi, ndugu, jamaa na marafiki kutokana na kumhifadhi ndugu yetu 

mpendwa aliyekuwa Diwani wa kata ya Namwawala aliyezikwa huko nyumbani kwao Namwawala.

Akizungumza na wananchi na wanafamilia, mkurugenzi wa Halmashauri ya wilaya ya Kilombero 

ndugu Dennis Londo amesema kuwa msiba wa diwani huyo umewasikitisha sana sio tu kwasababu 

amefariki ila ni namna gani alivyofariki.

''kwakweli kifo cha mheshimiwa Lwena kimeacha pengo, na kimetusikitisha sio tu kwasababu amefari 

bali namna alivyofariki, bila shaka ni majonzi ambayo hayatakuwa na namna ya kufutika'' Alisema.

Aidha kwa upande mwingine alisema kuwa kama Halmashauri wamejitahidi kwa namna walivyoweza 

kuhakikisha kuwa wanampatia stahili zote za kuhitimisha mazishi hayo ikiwamo kugharamia jeneza, 

usafiri na mambo yote ambayo yalifanikisha shughuli hiyo.

Mwisho alisisitiza kwa namna ya kuwaomba wananchi wa eneo hilo kuhakikisha kuwa wanayaendeleza 

yale mazuri yote ambayo marehemu aliyaacha kwanialikuwa ni mtu muadilifu na alikuwa mfano wa kuigwa 

na mcghapakazi mno na mwenye kupenda wananchi wa kata yake, lakini pia hakuna kitu cha kuwafariji

zaidi ya kuwapa pole, poleni sana wananchi wa kata ya Namwawala, alimaliza.