Ihunyo:Mbuni miradi mipya tuongeze mapato ya Halmashauri yetu

Posted on: January 26th, 2019

Mkuu wa wilya ya Kilombero na mwenyekiti wa kikao cha kamati ya sheria cha mwaka wa fedha 2019/2020  Ndugu James Ihunyo amewataka wakuu wa idara mbalimbali  katika halmashauri kusimamia kwa umakini miradi iliyopo na kubuni miradi mipya ili kuongeza mapato ya halmashauri.

Hayo amezungumza katika kikao cha kamati ya ushauri  cha wilaya  tarehe 26/1/2019 katika ukumbi wa mikutano wa halmashauri ya wilaya ya kilombero cha kupitia  mpango na bajeti ya  halmashauri wa wilaya mwaka wa fedha  2019/2020. Amesema kipato hicho kitasaidia matumizi mengine wakati wa utekelezeji wa shughuli mbalimbali ndani ya halmashauri.

Katika bajeti hiyo Ihunyo amesema  mazao ya  kokoa na mpunga ni vyanzo vikuu ya pato la halmashauri japo  kutopewa kipaumbele  katika kuimarisha uzalishaji wake”nimeamua kulisemea hili kwasababu ni zao ambalo linafanya vizuri,niombe idara ya kilimo  itazamwe upya katika bajeti hii  na ninyi maofisa hakikisheni mnatoa elimu ya kutosha  kwa wakulima ili wazalishe kwa kiasi kikubwa zao hili tupate mapato ya ziada”amesema Ihunyo

Kikao hicho ni maususi kwa lengo la kupitia na kushauri makadilio ya bajeti ya mwaka 2019/2020  kwa halmashauri ya wilaya ya Kilombero ambacho  kimeshirikisha  maafisa wa sekretariti mbalimbali,viongozi wa  vyama vya siasa,viongozi wa dini,wajumbe toka sekta mbalimbali na wadau wa maendeleo.