MIRADI ILIYOSIMAMIWA NA ENG. STEPHANO B. KALIWA ALIYEKUWA MKURUGENZI MTENDAJI WA HALMASHAURI YA WILAYA YA MLIMBA

Posted on: March 13th, 2024

Mwenyekiti wa Halmashauri ya Wilaya ya Mlimba Mhe. Innocent Mwangasa amemshukuru na kumpongeza aliyekuwa Mkurugenzi Mtendaji wa Halmashauri ya Wilaya ya Mlimba Eng. Stephano B. Kaliwa kwa kuisimamia na kuipandisha kimaendeleo halmashauri hiyo.

Mhe Mwangasa,amesema miradi ya Maendeleo yote ya iliyotekelezwa ndani ya Halmashauri hiyo imefanyika vizuri kwa sababu ya usimamizi makini chini ya Mkurugenzi Mtendaji aliyehamia halmashauri ya wilaya ya Nsimbo mkoani Katavi Eng. Stephano B. Kaliwa.

Ameitaja miradi iliyotekelezwa na kusimamiwa ni kutoka Divesheni ya Afya, lishe na Ustawi na Miradi(Ujenzi wa Vituo vitatu vya Afya Chita, Igima na Mofu kwa Mapato ya ndani ya Halmashauri vyenye Thamani ya kiasi cha shilingi 1,630,000,000/=).

Miradi mingine ni pamoja na Ujenzi na ukamilishaji wa zahanati kumi kutoka vijiji vya Tanganyika, viwanja sitini, Njage, Lufulu, Mikocheni, Msita, Ngalimila, Lugala, Mkuyuni na Mgugwe zahanati zote zimegahrimu kiasi cha Shilingi 175,000,000/=

Upande wa Elimu Eng. Kaliwa amesimamia ujenzi wa shule 16 mpya za Elimu ya awali na Msingi pamoja na Ujenzi na ukamilishaji wa shule nane za Sekondari kutoka kata ya Namwawala, Kalengakelu, Mchombe, Chita, Mngeta, Mbingu, Mofu na Kamwene. Aidha Mkurugenzi Mtendaji alisimamia ulipaji wa stahiki za likizo kwa Walimu na watumishi wa Divisheni na Vitengo mbalimbali.

Mhe. Mwangasa ameendelea kumpongeza Mkurugenzi Mtendaji kwa kusimamia shughuli za Divisheni ya Kilimo, Mifugo na Uvuvi kwa kiasi cha Shilingi 291,691,900 zilizofanya utekelezaji wa shughuli za kilimo kama vile, ununuzi wa Miche ya parachichi 8,847, ununuzi wa Boti ya Halmashauri moja na Ujenzi wa Machinjio ya Mifugo kidete.

Ameendelea kutaja miradi mingine kuwa ni Ujenzi wa choo soko la Ching'anda, ujenzi wa josho la Mifugo kata ya Namwawala, ujenzi wa Ghala na mashine za Kukoboa Mpunga, ujenzi wa Machinjio ya nguruwe, ununuzi wa miche ya korosho na kuhudumia shamba la korosho ekari 135, ununuzi wa miche ya Michikichi 55,150 0 pamoja na ununuzi wa miche ya karafuu miche 1000.

Kupitia Divisheni ya Maendeleo ya Jamii jumla ya vikundi 52 vya Wanawake, Vijana na walemavu vilipata Mikopo mbalimbali hadi Serikali wanasitisha zoezi la utoaji wa Mikopo.

Kuhusu ukusanyaji wa mapato amesema kwa kipindi cha miaka mitatu mfululizo Mkurugenzi Mtendaji aliongoza Halmashauri kukusasnya mapato kwa kuvuka lengo Halmashauri walilojiwekea hadi tarehe 12.03.2024  Halmashauri imekusanya Asilimia 102 ya mapato ya Halmashauri kwa mwaka wa fedha 2023/2024

Mwisho, amemtakia kila la heri katika Halmashauri yake mpya ya Wilaya ya Nsimbo na kuendelea kumkaribisha katika Halmashauri ya Wilaya ya Mlimba kuwekeza na kwa ushauri mbalimbali.