Naibu waziri TAMISEMI azungumza na watendaji KDC.

Posted on: August 3rd, 2018

Pichani juu: Naibu waziri wa TAMISEMI akikagua moja ya majengo ya Halmashauri ya wilaya ya kilombero huku akipata maelekezo kutoka kwa mkurugenzi mtendaji wa halmashauri hiyo kulia ndugu Dennis Londo, na mkuu wa wilaya ya Kilombero ndugu James Ihunyo, kulia.

Naibu waziri wa ofisi ya Rais Tawala za mikoa na serikali za mitaa Mheshimiwa Joseph Kakunda, jana jioni amekutana na watendaji na baadhi ya wafanyakazi wa kada mbalimbali wa serikali wa wilaya ya Kilombero, katika ukumbi wa Halmashauri ya wilaya ya Kilombero.

Katika hotuba yake, mheshimiwa Kakunda amesema kuwa, watendaji wanatakiwa kuelewa kuwa, kwasasa tuna kiongozi ambae hapendi utani katika kazi, na akiamua jambao ambalo yeye kama Rais analiona lina manufaa kwa taifa basi ni lazima lifanyike, hivyo aliwasihi wafanyakazi wote wa serikali wahakikishe kuwa wanachapa kazi kwa bidii ili kuweza kuendana na kasi ya Rais wa jamhuri ya muungano wa Tanzania Mheshimiwa John Pombe Magufuli.

Akitolea mfano suala la kuhamia Dodoma alisema kuwa, karibu awamu zote zilikuwa na mpango wa kuhamia huko ila ni awamu yake pee ndio iliyofanikiwa kuhamia Dodoma, hivyo awamu hii ni awamu ya kufanya kazi na si mchezomchezo.

Pia mheshimiwa Kakunda aliongeza kuwa sifa za watendaji na wataalamu wa halmashauri ya wilaya ya Kilombero, tayari zimekwishafika wizarani na tayari kwa ufanisi huo wamekwishafikiria kuchukua baadhi ya watendaji kutoka halmashauri hiyo kwaajili ya kwenda kuleta ufanisi kwenye halmashauri nyingine.

Katika hatua nyingine alitoa agizo la mwalimu wa shule ya kapolo ambae alisemekana kupanda cheo tangu mwaka 2014 lakini alikosa stahiki zake, kuwa mwalimu huyo arudishiwe stahiki zake zote za tangu mwaka aliopewa barua ya kwanza ya kupanda cheo.

‘’Hili ni agizo, naagiza kuwa mwalimu huyu wa shule ya kapolo ambaye alipewa barua ya kupanda cheo mwaka 2014, kabla ya mabadiliko ya mwaka 2016, alipwe satahili zake zote mpaka leo, na hili nitalifatilia’’. Alisema.

Aidha kwa upande mwingine, alitembelea majengo yanayojengwa kwaajili ya ofisi mpya za Halmashauri ya wilaya ya Kilombero na ile nyingine iliyo kando mwa barabara kuu ya kuingia Ifakara mjini ya halmashauri ya Ifakara mji ambapo kote alipongeza na kusema kuwa, wote kwa ujumla wao wamefanya kazi nzuri na hivyo, waendelee na kazi hizo za serikali kwaajili ya kuleta mafanikio chanya kwa serikali.