Nendeni mkapige picha za vivutio – DED Mlimba

Posted on: November 10th, 2021

Mkurugenzi mtendaji wa Halmashauri ya wilaya ya mlimba Mhandisi Stephano Kaliwa amewataka Afisa Maliasili, afisa Habari pamoja na Afisa vijana kuhakikisha wanakwenda kupiga picha za vivutio vilivyopo katika Halmashauri hii ya wilaya ya Mlimba, ili kuweza kuunga mkono juhudi za Rais wa Jamhuri ya muungano wa Tanzania Mheshimiwa Samia Suluhu Hassan.Mhandisi Kaliwa ameyasema hayo mwishoni mwa wiki iliyopita alipokuwa akizungumza na wakuu wa Idara katika kikao chao cha siku ya Ijumaa ambacho hufanyika katika ofisi ya Mkurugenzi.Akisisitiza jambo hilo Mhandisi Kaliwa amesema kuwa tayari wiki hii wamekwishapokea barua kutoka kwa mkuu wa wilaya ikimtaka kutengeneza Makala ya video kuonesha moja ya vivutio vikubwa vinvyopatikana katika Halmashauri hiyo ili kuweza kuwavutia watalii kutoka nje na wale wa ndani katika kufikia malengo yao yay a kutembelea vivutio kadhaa katika nchi hiiNae Afisa Habari wa Halmashauri hiyo ndg Islam Mposso amesema kuwa wamepokea jambo hilo na wapo tayari kwaajili ya kwenda huko kwa kushirikiana na Afisa maliasili kupiga picha za Makala za Video ili kuunga mkono jitihada za Rais wetu wa Jamhuri ya muungano wa Tanzania katika kuitangaza nchi hii ndani nan je ya nchi.