Ligazio:Tutafanya utaratibu nao wapate elimu

Posted on: January 30th, 2019

Mwenyekiti wa halmashauri ya wilaya ya Kilombero ndugu  David Ligazio  amesema wataweka utaratibu wa kielimu kuwasaidia wanafunzi waliofeli waliokosa nafasi ya kuendelea na elimu ya sekondari wapate fursa ya elimu.

Haya amesema tarehe 29/1/2019 katika kikao cha baraza la kata la kupitia bajeti za kata kwa  mwaka wa fedha mwaka 2019/2020 kilichofanyika kwenye ukumbi wa mikutano wa halmashauri wakati akijibu na kutolea ufafanuzi wa hoja mbalimbali za wajumbe.

Kikao hicho kilikuwa kikijadili masuala  mbalimbali ndani ya bajeti pamoja na namna ya  kuboresha  bajeti hiyo,masuala la kupeleka fedha za madawati katika shule zote za sekondari ili yatimike na wanafunzi wanaojiunga na kidatu cha kwanza.

Aidha katika kikao hicho mwenyekiti Ligazio amewataka watendaji kata wakisaidiana na madiwani kujua taarifa za wanafunzi wasioripoti mashuleni”watendaji wote  kwakushirikiana na wadiwani hakikisheni mnapata taarifa za wanafunzi wote wasioripoti shuleni mwaka huu  ili tujue matatizo yao pia kama hawataripoti nafasi zao tuwape wengine”amesema Ligazio

Kikao hicho kiliongozwa na mwenyekiti wa halmashauri ya wiliya ya  Kilombero kilichowakutanisha wakuu wa idara mbalimbali,madiwani na watendaji wa kata.