Mfumo wa OPRAS kuboresha ufanisi kazini

Posted on: January 24th, 2019

Katibu tawala wa Halmashauri ya  wilaya  ya Kilombero Bw.Selasela amefungua mafunzo  maaluma  ya uimalishaji wa  mfumo wa OPRAS(Open  Perfomance Result  Apraisal System) kwa wakuu wa shule za misingi na Sekondari wilayani wenye lengo la kuboresha ufanisi kazini

Mfumo huo wa OPRAS umejikita haswa katika kuwawezesha walimu kuweka  malengo ya kiutendaji kwa kada ya ualimu  unaotokana na maelekezo ya kazi ya mwalimu kama ilivyo ainishwa katika walaka  kwa maendeleo ya  utumishi  Na.1 ya  mwaka 2014 kuhusu miundo ya kiutumishi ya kada za walimu chini ya wizara ya elimu na mafunzo ya ufundi sayansi na teknolojia

Akizungumzia katika  katika uzinduzi huo  leo tarehe 18/1/2019 katika ukumbi wa mikutano wa shule ya sekondari ya wasichana Ifakara,Selasela  amewataka walimu wajifunze kwa umakini maarifa hayo  kwa manufaa ya  walengwa ambao ni walimu na baada ya mafunzo hayo, utekelezwaji uanze kwa kuwashirikisha walimu juu ya mfumo huu kuepesha malumbano ya majukumu ili kupata ufanisi wa kazi huku akiwaka wazi kusudi la serikali katika mfumo huo wa  OPRAS  kuwa ni muhususi kwa  kuboresha taaluma nchini.

Aidha amewataka viongozi hao kuwa na nidhamu katika kutekereza majukumu yao na kuwahimuza  watumishi walio chini yao ili kuleta maendeleo ya kielimu katika halmashauri “serikali haitasita kuwachukulia hatua walimu na viongozi wazembe ,niwaombe muwe na nidhamu katika uwajibikaji ili tulete maendeleo kwenye halmashauri  yetu”amesema Bw.Selasela

Mafunzo hayo yameongozwa na afisa elimu msingi wilaya ya Kilombero Bi.Witness Kimoleta na maafisa wengine wa elimu ngazi ya wilaya,wathibiti ubora wa shule,ofisi ya tume ya utumishi wa walimu TSC na vingozi wa chama cha walimu  Tanzania  CWT wilaya.